(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.163. అధ్యాయః 163
Mahabharata - Shanti Parva - Chapter Topics
భీష్మేణ యుధిష్ఠిరంప్రతి యజ్ఞాద్యర్థం సంపాదీయద్రవ్యవివేకథనం॥ 1॥
తథా పాపవిశేషాణాం ప్రాయశ్చిత్తవిశేషకథనం॥ 2॥
Mahabharata - Shanti Parva - Chapter Text

భీష్మ ఉవాచ। 12-163-0x(5842)(71453)
కృతార్థీ యక్ష్యమాణశ్చ సర్వవేదాంతగశ్చ యః।
ఆచార్యపితృకాయార్థం స్వాధ్యాయార్థమథాపి చ॥ 12-163-1(71454)
ఏతే వై సాధవో దృష్టా బ్రాహ్మణాః ధర్మభిక్షవః।
నిఃస్వేభ్యో దేయమేతేభ్యో దానం విద్యా చ భారత॥ 12-163-2(71455)
అన్యత్ర దక్షిణాదానం దేయం భరతసత్తమ।
అన్యేభ్యోఽపి వహిర్వేది న కృతాన్నం విధీయతే॥ 12-163-3(71456)
సర్వరత్నాని రాజా హి యథార్హం ప్రతిపాదయేత్।
బ్రాహ్మణాయైవ యజ్ఞాశ్చ సహాన్నాః సహదక్షిణాః॥ 12-163-4(71457)
అన్యేభ్యో విమలాచారా యజంతే గుణతః సదా।
యస్య త్రైవార్పికం భక్తం పర్యాప్తం భృత్యవృత్తయే।
అధికం చాపి విద్యేత స సోమం పాతుమర్హతి॥ 12-163-5(71458)
యజ్ఞశ్చేత్ప్రతిరుద్ధః స్యాదంశేనైకేన యజ్వనః।
బ్రాహ్మణస్య విశేషేణ ధార్మికే సతి రాజని॥ 12-163-6(71459)
యో వైశ్యః స్యాద్బహుపశుర్హీనక్రతురసోమపః।
కుటుంబాత్తస్య తద్విత్తం యజ్ఞార్థం పార్థివో హరేత్॥ 12-163-7(71460)
ఆహరేద్ద్రుహ్యతః కించిత్కామం శూద్రస్య వేశ్మని।
న హి వేశ్మని శూద్రస్య కించిదస్తి పరిగ్రహః॥ 12-163-8(71461)
యోఽనాహితాగ్నిః శతగురయజ్వా త్త సహస్రగుః।
తయోరపి కుటుంబాభ్యామాహరేదవిచారయన్॥ 12-163-9(71462)
అదాతృభ్యో హరేద్విత్తం విఖ్యాప్య నృపతిః సదా।
తథైవాచరతో ధర్మో నృపతేః స్యాదథాఖిలః॥ 12-163-10(71463)
తథైవ సప్తమే భక్తే భక్తాని పడనశ్నతః।
అశ్వస్తనవిభాగేన హర్తవ్యం హీనకర్మణః॥ 12-163-11(71464)
ఖలాత్క్షేత్రాత్తథాగారాద్యతో వాఽప్యుపపద్యతే।
ఆఖ్యాతవ్యం నృపస్యైతత్పృచ్ఛతోఽపృచ్ఛతోపి వా।
న తస్మై ధారయేద్దండం రాజా ధర్మేణ ధర్మవిత్॥ 12-163-12(71465)
క్షత్రియస్య తు బాలిశ్యాద్బ్రాహ్మణః క్లిశ్యతే క్షుధా।
శ్రుతశీలే సమాజ్ఞాయ వృత్తిమస్య ప్రకల్పయేత్॥ 12-163-13(71466)
అథైనం పరిరక్షేత పితా పుత్రమివౌరసం। 12-163-14(71467)
ఇష్టిం వైశ్వానరీం నిత్యం నిర్వపేదబ్దపర్యయే।
అవికల్పః పురా ధర్మో ధర్మవాదైస్తు కేవలః॥ 12-163-15(71468)
విశ్వైర్దేవైశ్చ సాధ్యైశ్చ బ్రాహ్మణైశ్చ మహర్షిభిః।
ఆపత్సు గరణాద్భీతైర్లింగః ప్రతినిధీకృతః॥ 12-163-16(71469)
ప్రభుః ప్రథమకల్పస్య యోఽనుకల్పేన వర్తతే।
స నాప్నోతి ఫలం తస్య ప్రేత్య చేహ చ దుర్మతిః॥ 12-163-17(71470)
న బ్రాహ్మణో వేదయీత కించిద్రాజని ధర్మవిత్।
అవిద్యావేదనాద్విద్యాత్స్వవీర్యం వీర్యవత్తరం।
తస్మాద్రాజ్ఞః సదా తేజో దుఃసహం బ్రహ్మవాదినాం॥ 12-163-18(71471)
మంతా శాస్తా విధాతా చ బ్రాహ్మణో దేవ ఉచ్యతే।
తస్మిన్నాకుశలం బ్రూయాన్న శుష్కామీరయేద్గిరం॥ 12-163-19(71472)
క్షత్రియో బాహువీర్యేణ తరేదాపదమాత్మనః।
ధనైర్వైశ్యశ్చ శుద్రశ్చ మంత్రైర్హోమైశ్చ వై ద్విజః॥ 12-163-20(71473)
నైవ కన్యా న యువతిర్నామంత్రజ్ఞో న బాలిశః।
పరివేష్టాఽగ్నిహోత్రస్య భవేన్నాసంస్కృతస్తథా॥ 12-163-21(71474)
నరకే నిపతంత్యేతే జుహ్వానాః సవనస్య తత్।
తస్మాద్వైతానకుశలో హోతా స్యాద్వేదపారగః॥ 12-163-22(71475)
ప్రాజాపత్యమదత్త్వా చ అగ్న్యాధేయస్య దక్షిణాం।
అనాహితాగ్నిరితి సం ప్రోచ్యతే ధర్మదర్శిభిః॥ 12-163-23(71476)
పుణ్యాన్యన్యాని కుర్వీత శ్రద్దధానో జితేంద్రియః।
అనాప్తదక్షిణైర్యజ్ఞైర్న యజేత కథంచన॥ 12-163-24(71477)
ప్రజాః పంశూశ్చ స్వర్గం చ హంతి యజ్ఞో హ్యదక్షిణః।
ఇంద్రియాణి యశః కీర్తిభాయుశ్చాప్యవకృంతతి॥ 12-163-25(71478)
ఉదక్యామాసతే యే చ ద్విజాః కేచిదనగ్నయః।
కులం చాశ్రోత్రియం యేషాం సర్వే తే శూద్రకర్మిణః॥ 12-163-26(71479)
ఉదపానోదకే గ్రామే బ్రాహ్మణో వృపలీయతిః।
అపిత్వా ద్వాదశ సమాః శూద్రకర్మైవ గచ్ఛతి॥ 12-163-27(71480)
అభార్యీ శయనే విభ్రచ్ఛూద్రం వృద్ధం చ వై ద్విజః।
అబ్రాహ్మణం భన్యమానస్తృణేష్వాసీత పృష్ఠతః।
తథా సంశుధ్యతే రాజఞ్శృణు చాత్ర వచో మమ॥ 12-163-28(71481)
యదేకరాత్రేణ కరోతి పాపం
కృష్ణం వర్ణం బ్రాహ్మణః సేవమానః।
స్థానాసనాభ్యాం విహరన్వతీ స
త్రిభిర్వర్షైః శమయేదాత్మపాపం॥ 12-163-29(71482)
న నర్మయుక్తమతృతం హినస్తి
న స్త్రీషు రాజన్న వివాహకాలే।
ప్రాణాత్యయే సర్వధనాపహారే
పంచానృతాన్యాహురపాతకాని॥ 12-163-30(71483)
శ్రద్దధానః శుభాం విద్యాం హీనాదపి సమాప్నుయాత్।
సువర్ణమపి చామేధ్యాదాదదీతావిచారయన్॥ 12-163-31(71484)
స్త్రీరత్నం దుష్కులాచ్చాపి విషాదప్యమృతం పిబేత్।
అదూష్యా హి స్త్రియో రత్నమాప ఇత్యేవ ధర్మతః॥ 12-163-32(71485)
గోబ్రాహ్మణహితార్థం చ వర్ణానాం సంకరేషు చ।
వైశ్యో గృహ్ణీత శస్త్రాణి పరిత్రాణార్థమాత్మనః॥ 12-163-33(71486)
సురాపో బ్రహ్మహా చైవ గురుతల్పగతస్తథా।
అచిరేణ మహారాజ పతితో వై భవత్యుత॥ 12-163-34(71487)
సువర్ణహరణం స్తైన్యం విప్రస్వం చేతి పాతకం।
విహారో మద్యపానం చ అగంయాగమనం తథా॥ 12-163-35(71488)
పతితైః సంప్రయోగశ్చ బ్రాహ్మణీయోనితస్తథా।
అనిర్దేశ్యాని మన్యంతే ప్రాణాంతానీతి ధారణా॥ 12-163-36(71489)
సంవత్సరేణ పతతి పతితేన సహాచరన్।
యాజనాధ్యాపనాద్దానాన్న తు యానాసనాశనాత్॥ 12-163-37(71490)
ఏతాని హిత్వాతోఽన్యాని నిర్దేశ్యానీతి ధారణా।
నిర్దేశ్యకేన విధినా కాలేనావ్యసనీ భవేత్॥ 12-163-38(71491)
అనుత్తీర్య న హోతవ్యం ప్రేతకర్మణ్యుపాశ్రితే।
త్రిషు త్వేతేషు పూర్వేషు న కుర్వీత విచారణం॥ 12-163-39(71492)
అమాత్యాన్వా గురూన్వాపి జహ్యాద్ధర్మేణ ధార్మికః।
ప్రాయశ్చిత్తాన్యకుర్వాణా నైతే కుర్వంతి సంవిదం॥ 12-163-40(71493)
అధర్మకారీ ధర్మేణ తపసా హంతి కిల్విషం।
బ్రాహ్మణాయావగుర్యేత స్పృష్టే గురుతరం భవేత్॥ 12-163-41(71494)
అస్తేనం స్తేన ఇత్యుక్త్వా ద్విగుణం పాపమాప్నుయాత్।
త్రిభాగం బ్రహ్మహత్యాయాః కన్యాం ప్రాప్నోతి దుష్యతి।
యస్తు దూషయితా తస్యాః శేషం ప్రాప్నోతి పాప్మనః॥ 12-163-42(71495)
బ్రాహ్మణానవగర్హ్యేహ స్పృష్ట్వా గురుతరం భవేత్।
వర్షాణాం హి శతం పాపః ప్రతిష్ఠాం నాధిగచ్ఛతి॥ 12-163-43(71496)
సహస్రం చైవ వర్షాణాం నిపత్య నరకం వసేత్।
తస్మాన్నైవావగుర్యాద్ధి నైవ జాతు నిపాతయేత్॥ 12-163-44(71497)
శోణితం యావతః పాంసూన్సంగృహ్ణీయాద్ద్విజక్షతాత్।
తావతీః స సమా రాజన్నరకే ప్రతిపద్యతే॥ 12-163-45(71498)
భ్రూణహాఽఽహవమధ్యే తు శుధ్యతే శస్త్రపాతతః।
ఆత్మానం జుహుయాదగ్నౌ సమిద్ధే తేన శుధ్యతే॥ 12-163-46(71499)
సురాపో వారుణీముష్ణాం పీత్వా పాపాద్విముచ్యతే॥ 12-163-47(71500)
తయా స కాయే నిర్దగ్ధే మృత్యుం వా ప్రాప్య శుధ్యతి।
లోకాంశ్చ లభతే విప్రో నాన్యథా లభతే హి సః॥ 12-163-48(71501)
గురుతల్పమధిష్ఠాయ దురాత్మా పాపచేతనః।
శిలాం జ్వలంతీమాసాద్య మృత్యునా సోభిశుధ్యతి॥ 12-163-49(71502)
అధవా శిశ్నవృషణావాదాయాంజలినా స్వయం।
నైర్ఋతీం దిశమాస్థాయ నిపతేత్సత్వజిహ్మగః॥ 12-163-50(71503)
బ్రాహ్మణార్థేఽపి వా ప్రాణాన్సంత్యజంస్తేన శుధ్యతి॥ 12-163-51(71504)
అశ్వమేధేన వాఽపీష్ట్వా అథవా గోసవేన వా।
మరుత్సోమేన వా సంయగిహ ప్రేత్య చ పూజ్యతే॥ 12-163-52(71505)
తథైవ ద్వాదశసమాః కాపోతం ధర్మమాచరేత్।
ఏకకాలం చరేద్భైక్షం స్వకర్మోదాహరంజనే॥ 12-163-53(71506)
ఏవం వా తపసా యుక్తో బ్రహ్మహా సవనీ భవేత్।
ఏవం గర్భమవిజ్ఞాతమాత్రేయీం వా నిపాతయేత్॥ 12-163-54(71507)
ద్విగుణా బ్రహ్మహత్యా వై ఆత్రేయీహింసనే భవేత్।
సురాపీ నియతాహారో బ్రహ్మచారీ క్షపాచరః॥ 12-163-55(71508)
ఊర్ధ్వం త్రిభ్యోఽపి వర్షేభ్యో యజేతాగ్నిష్టుతా పరం।
ఋషభైకసహస్రం వా గా దత్త్వా శౌచమాప్నుయాత్॥ 12-163-56(71509)
వైశ్యం దత్త్వా తు వర్షే ద్వే ఋషభైకశతం చ గాః।
శూద్రం హత్వాఽబ్దమేవైకమృషభం చ శతం చ గాః॥ 12-163-57(71510)
శ్వవరాహఖరాన్హత్వా శౌద్రమేవ వ్రతం చరేత్।
మార్జారచాషమండూకాన్కాకం వ్యాలం చ మూషికం॥ 12-163-58(71511)
ఉక్తః పశువధే దోషో రాజన్ప్రాణినిపాతనాత్।
`అనస్థికేషు గోమూత్రం పానమేకం ప్రచక్షతే।'
ప్రాయశ్చిత్తాన్యథాన్యాని ప్రవక్ష్యాంయనుపూర్వశః॥ 12-163-59(71512)
తల్పే వాఽన్యస్య చౌర్యే చ పృథక్ సంవత్సరం చరేత్।
త్రీణి శ్రోత్రియభార్యాయాం పరదారే చ ద్వే స్మృతే॥ 12-163-60(71513)
కాలే చతుర్థే భుంజానో బ్రహ్మచారీ వ్రతీ భవేత్।
స్థానాసనాభ్యాం విహరేత్రిరహ్నాఽభ్యుపయన్నపః॥ 12-163-61(71514)
`ఐవమేవ చరన్రాజంస్తస్మాత్పాపాత్ప్రముచ్యతే।'
ఏవమేవ నిరాకర్తా యశ్చాగ్నీనపవిధ్యతి॥ 12-163-62(71515)
త్యజత్యకారణే యశ్చ పితరం మాతరం గురుం।
పతితః స్యాత్స కౌరవ్య యథా ధర్మేషు నిశ్చయః॥ 12-163-63(71516)
గ్రాసాచ్ఛాదనయానం చ శయనం హ్యాసనం తథా।
`బ్రహ్మచారీ ద్విజేభ్యశ్చ దత్త్వా పాపాత్ప్రముచ్యతే॥' 12-163-64(71517)
భార్యాయాం వ్యభిచారిణ్యాం నిరుద్ధాయాం విశేషతః।
యత్పుంసః పరదారేషు తదేనాం చారయేద్వ్రతం। 12-163-65(71518)
శ్రేయాంసం శయనే హిత్వా పాపీయాంసం సమృచ్ఛతి।
శ్వభిస్తమర్దయేద్రాజా సంస్థానే బహువిస్తరే॥ 12-163-66(71519)
పుమాంసం బంధయేత్పాశైః శయనే తప్త ఆయసే।
అప్యాదధీత దారూణి తత్ర దహ్యేత పాపకృత॥ 12-163-67(71520)
ఏవ దండో మహారాజ స్త్రీణాం భర్తృవ్యతిక్రమే।
సంవత్సారోఽభిశస్తస్య దుష్టస్య ద్విగుణో భవేత్॥ 12-163-68(71521)
ద్వే తస్య త్రీణి వర్షాణి చత్వారి సహసేవినః।
కుమారః పంచవర్షాణి చరేద్భైక్షం మునివ్రతః॥ 12-163-69(71522)
పరివిత్తిః పరివేత్తా యా చైవ పరివిద్యతే।
పాణిగ్రాహస్త్వధర్మేణ సర్వే తే పతితాః స్మృతాః॥ 12-163-70(71523)
చరేయుః సర్వ ఏవైతే వీరహా యద్వ్రతం చరేత్।
చాంద్రాయణం చరేన్మాసం కృచ్ఛ్రం వా పాపశుద్ధయే॥ 12-163-71(71524)
పరివేత్తా ప్రయచ్ఛేతా తాం స్నుషాం పరివిత్తయే।
జ్యేష్ఠేన త్వభ్యనుజ్ఞాతో యవీయాప్యనంతరం।
ఏనసో మోక్షమాప్నోతి తౌ చ సా చైవ ధర్మతః॥ 12-163-72(71525)
అమానుషీషు గోవర్జమనాదిష్టం న దుష్యతి।
అధిష్ఠాతారమత్తారం పశూనాం పురుషం విదుః॥ 12-163-73(71526)
పరిధాయోర్ధ్వవాలం తు పాత్రమాదాయ మృన్మయం।
చరేత్సప్తగృహాన్భైక్షం స్వకర్మ పరికీర్తయన్॥ 12-163-74(71527)
తథైవ లబ్ధభోజీ స్యాద్ద్వాదశాహాత్స శుధ్యతి।
చరేత్సంవత్సరం చాపి తద్వ్రతం యేన కృంతతి॥ 12-163-75(71528)
భవేత్తు మానుషేష్వేవం ప్రాయశ్చిమనుత్తమం।
దానం వా దానశక్తేషు సవేర్మతత్ప్రకల్పయేత్॥ 12-163-76(71529)
అనాస్తికేషు గోమాత్రం దానమేకం ప్రచక్షతే।
శ్వవరాహమనుష్యాణాం కుక్కుటస్య ఖరస్య చ॥ 12-163-77(71530)
మాంసం మూత్రం పురీషం చ ప్రాశ్య సంస్కారమర్హతి।
బ్రాహ్మణస్తు సురాపస్య గంధమాదాయ సోమపాః॥ 12-163-78(71531)
అపఖ్యహం పిబేదుష్ణాః సంయతాత్మా జితేంద్రియః।
అపః పీత్వా తు స పునర్వాయుభక్షో భవేంత్ర్యహం॥ 12-163-79(71532)
ఏవమేతత్సముద్దిష్టం ప్రాయశ్చిత్తిషేవణం।
బ్రాహ్మణస్య విశేషేణ యదజ్ఞానేన జాయతే॥ ॥ 12-163-80(71533)

ఇతి శ్రీమన్మహాభారతే శాంతిపర్వణి ఆపద్ధర్మపర్వణి త్రిషష్ట్యధికశతతమోఽధఅయాయః॥ 163॥

Mahabharata - Shanti Parva - Chapter Footnotes

12-163-2 నిఃశ్వో నిర్ధనః॥
12-163-3 అన్యత్ర ఉక్తేభ్యోఽన్యత్రాపి బ్రాహ్మణేషు అన్యేభ్యోఽబ్రాహ్మణేభ్యః కృతాన్న పక్వాన్నం న విధీయతే।
తేభ్యోఽప్యకృతాన్నం దేయమితి భావః॥
12-163-6 బ్రాహ్మణస్య యజ్ఞః ఏకేనాంశేన స్త్ర్యాద్యంగనాసేన ప్రతిరుద్ధః స్యాత్తర్హితస్య వైశ్యస్య తద్ధనం ఏవర్థివో యజ్ఞార్థం హరేదితి ద్వితీయేన సంబంధః।
దోషేణైకేన యజ్వన ఇతి ధ. పాఠః॥
12-163-11 భక్తాని షడనశ్నతః ధ్యహముపోషితస్య॥
12-163-13 బాలిశ్యాదిత్యనేన క్షత్రియస్యైవ స దోష ఇత్యుక్తం॥
12-163-21 పరివేష్టా ఆహుతిప్రక్షేప్తా।
కన్యాయువత్యోః స్మార్తాగ్నిహోమే స్వయం పల్యణి క పుత్రః కుమార్థంతవాసీ వేత్యాశ్వలాయనవచనాదధికృతయోరప్రతి ప్రసక్తేర్నిషేధ ఉక్తః॥
12-163-26 ఆసతే మిథునీభవంతి॥
12-163-27 ఉదపానః కూపస్తదేకోదకే ఏకకూపోపజీవ్యేత్యర్థః॥
12-163-28 అభార్యామపరిణీతాం శయనే బిభ్రద్బ్రాహ్మణస్తథా శూద్రం వృద్ధం మహామితి గన్యమానస్తశ్రాఽబ్రాహ్మణం క్షత్రియం వైశ్యం వా వృద్ధం మన్యమానస్తృణేషు యద్యాసీతోపవిష్ఠః స యథా సంశుధ్యేత తథా తథా శృణ్విశి సార్ధార్థః॥
12-163-29 విహరన్ కరోతీతి సంబంధః॥
12-163-36 అనిర్దేశ్యాని బుద్ధిపూర్వకాని చేదత్ర ప్రాయశ్చిత్తం నాస్తీత్యర్థః।
కిం తర్హి మరణాంతమేవ ప్రాయశ్చిత్తమితి ధారణానిశ్చయః। బ్రాహ్మణీయోనితః।
అబ్రాహ్మణస్య బ్రాహ్మణీగమనాదిత్యర్థః॥
12-163-37 యాజనాదిత్రయేణ సద్యః పతతి నతు యానాదినా।
తేన తు వర్షేణ పతతీత్యర్థః॥
12-163-38 ఏతాని పంచమహాపాపాని।
అన్యాని తు నిర్దేశ్యాని సప్రాయశ్చిత్తాని। అవ్యసనీ పునః పాపరుచిర్న స్యాత్॥
12-163-39 పూర్వేషు త్రిషు సురాపబ్రహ్మఘ్నగురుతల్పగేషు తేషు మృతేషు సపిండానామాశౌచాభావాత్తేషాం ప్రేతకర్మనిషేధాచ్చేతి భావః॥
12-163-43 అవగర్హ్య వినింద్య। స్పృష్ట్వాఽర్థచంద్రాదినాపనోద్య।
గురుతరం శేషాదయధికం పాతకం తస్య పలం॥
12-163-46 ఆహవమధ్యే గోబ్రాహ్మణరక్షార్థం సంగ్రామే శస్త్రేణ హతశ్చేద్బ్రాహ్మహా శుధ్యతే॥
12-163-54 సవనీత్రిషవణస్రాయీ। ఆత్రేయీం ప్రాప్తగర్భాం స్రియం॥
12-163-60 పృథక్ ఏకైకస్యోపపాతకస్య ప్రాయశ్చిత్తం సంవత్సరం చరేత్॥
12-163-68 అభిశస్తస్య ప్రాయశ్చిత్తం సద్యోఽకుర్వతః॥
12-163-69 తస్య పతితస్య సహసేవినః సంసర్గిణిః॥
12-163-72 పరివేత్తా కనిష్ఠః పరివిత్తయే జ్యేష్ఠాయ భార్యాం స్రుషాత్వేన ప్రయచ్ఛేత్।
ఏతాం స్వేనాభుక్తాం తవైవేయం స్నుషేతి మానపూర్వకం సమర్పయేత్।
తదా జ్యేష్ఠానుజ్ఞాతో యవీయానంతరం తాం స్వీకుర్యాత్। పాణిగ్రాహేణ స్వదోషే క్షమాపితే త్రయోఽపి పాపాన్ముచ్యంత ఇతి సార్ధశ్లోయార్థః॥
12-163-73 అమానుషీషు పశుజాతిషు॥
12-163-74 ఊర్ధ్వవాలం చమరీపుచ్ఛం పరిధాయ రంగేఽవ్రతరన్ బ్రాహ్మణ ఏవైతత్ప్రాయశ్చిత్తం కుర్యాత్॥
12-163-75 యేన పరిధానేన హేతుభూతేన ఊర్ధ్వంవాలం యః కృంతతి ఛినత్తి స ఉక్తం వ్రతం సంవత్సరం చరేత్॥
12-163-77 అనాస్తికేషు ఆస్తికేషు॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.